رواية في رحاب الحب (حصرية) للكاتب عادل عبد الله

هاتفها وصعدت الي منزلي شارد الذهن وكل تفكيري في هذه الصدفة التي انتظرتها طويلا .
معقول اقابل رحاب بعد كل هذه السنين ! 
هل ما زال حبي يحيا في قلبها 
معقول !! ممكن نرجع بالزمن كل هذه السنوات ونجدد حبنا 
هل ستقف بيننا عقبات جديدة ام سينتصر حبنا تجمعنا حياة واحدة  
الف سؤال وسؤال كان يدور في ذهني .
واثناء تناولي الطعام مع زوجتي واولادي لاحظت زوجتي شرودي عنهم . حتي ابنائي كنت لا اسمعهم وانا شارد الذهن .
وفي المساء دخلت الي غرفتي وامسكت بهاتفي واتصلت بها .
تكلمت معها كثيرا وعرفت منها كيف ماټ زوجها قتيلا مع اخيه في مشاجرة في القرية وان والده خالها ايضا اصيب بطلق ڼاري اصابه بالشلل التام .وكيف انتقم الله تعالي منهم اشد الاڼتقام بعد ظلمهم وتجبرهم .
وحكت لي عما عاشته من معاناة مع زوجها القاسې خاصة في بداية الزواج وكيف كانت معاملته القاسېة لها .
ولعدة ايام حكت لي رحاب ما مرت به خلال كل هذه السنوات من معاناة وانا ايضا حكيت لها كم عانيت بعد فراقها من الألم وكيف اصبحت حياتي بعدها حياة روتينية جامدة بلا روح حقيقية .
ظللت عدة ايام وليالي افكر في كيفية الارتباط بها والزواج منها وبعد تفكير طويل كلمتها .....
رحاب مش لازم نضيع اكتر من كده من عمرنا 
تقصد ايه 
اقصد اننا لازم نتجوز .
نتجوز !! صعب يا باسم متنساش انك متجوز وعندك اولاد وانا كمان عندي بناتي ملهومش حد غيري .
بناتك زي اياد وايه اولادي بالظبط وهكون حنين عليهم اكتر من ابوهم .
انا عارفة كويس وواثقة انك هتعاملهم كويس بس هما اكيد نفسيتهم مش هتتقبل الوضع ده .
هما لسه صغيرين ومع الوقت ومعاملتي ليهم هيتقبلوا الوضع ويمكن كمان يحبوني اكتر منك .
هما مش صغيرين ١٣ و١١ سنة مش صغيرين ابدا وهيفهموا انك جوز امهم ومش هيقبلوا واكيد نفسيتهم هتتعب اوي .
بلاش نسبق الاحداث وانتي هتشوفي بنفسك معاملتي ليهم هتكون ازاي وازاي هخليهم يحبوني .
حياة بناتي مينفعش تكون حقل تجارب . حياة بناتي اهم حاجة عندي .
وحياتنا احنا اخبارها ايه مش كفاية اللي ضاع منها نضيع الباقي منها كمان  
يعني افكر في نفسي وانسي بناتي 
لأ طبعا مش ممكن ولكن زي ما بتفكري فيهم فكري في نفسك شوية .وفكري فيا بعد ما اتحرمت منك كل السنين دي .
بس بناتي الاول وقبل اي حاجة في الدنيا .متزعلش مني يا باسم بس هي دي الحقيقة .
طبعا انتي عندك حق .ولو مش قولتي كده تبقي مش رحاب اللي حبتها .
خلي بالك يا باسم انا مش ممكن اعرض بناتي اني ادمرلهم حياتهم كفاية حياتي انا اټدمرت وعيشت حياة مكنتش عايزاها .
مستحيل اني ازعلهم في يوم من الايام او اني اشوف في عنيهم نظرة حزن او ألم كفاية اني عارف انهم جزء منك علشان احبهم .
انت كمان ناسي مراتك واولادك هتقولهم ايه  
هقولهم اني هتجوز الانسانة الوحيدة اللي قلبي حبها طول عمري .
انا بتكلم بجد .
وانا كمان بتكلم بجد .
اكيد مراتك مش هتقبل .
ده قراري تقبل او ترفض ده شئ يرجعلها .وبعدين انا هعدل بينكم ومش هظلمها ولا اظلم ولادي .
وانت عاوز تجمع بينا احنا الاتنين 
ايوه .وايه المشكلة 
تبقي انت بتحبها .
عمر ما قلبي حس ولا حب غيرك .
مادام مش عاوز تسيبها يبقي بتحبها .
قولتلك علشان اولادي وبعدين هو انتي عايزاني اطلقها 
بص يا باسم انا مش هبني سعادتي علي تعاسة غيري . وزي ما انا ست وقلبي انكسر قبل كده مش عاوزة اكسر قلبها .
يبقي ايه المشكلة لما اجمع بينكم انتوا الاتنين 
لأ طبعا فيه مشكلة .
ايه هي 
اني عاوزاك تكون ليا لوحدي .
يااااه !! اخيرا !!! بحبك بحبك بحبك ومستحيل اسيبك تضيعي من ايديا تاني .
كفاية يا باسم ارجوك . احساسك ومشاعرك انا عارفاها كويس ومتأكدة منها .
طيب خلاص ايه المشكلة دلوقتي  
مفيش مشكلة باذن الله بس لازم نفكر كويس الاول .
تاني نفكر مفيش تفكير تاني مش ممكن تضيعي مني تاني .
الحلقة الخامسة
كفاية يا باسم ارجوك . احساسك ومشاعرك انا عارفاها كويس ومتأكدة منها .
طيب خلاص ايه المشكلة دلوقتي  
مفيش مشكلة باذن الله بس لازم نفكر كويس الاول .
تاني نفكر مفيش تفكير تاني مش ممكن تضيعي مني تاني .
بس لازم تديني وعد انك هتعامل بناتي كويس .
بس كده !! اوعدك يا ستي اني هعامل بناتك احسن منك كمان .
وخلي بالك يوم ما هتخلف وعدك ليا يا باسم مش هنكمل