رواية ابن أمي وأبويا ( حصرية ) للكاتب عادل عبد الله

وامي خطبوها بعدها بأيام !!!!!
كان الحل الوحيد قدامي اني ابعد عن البيت قبل ما يتجوزها وتيجي تقعد معانا في الدار !!
وفعلا سكنت في المدينة جنب شغلي و دراستي هناك 
وكنت برجع كل يوم جمعة اسلم عليهم واقضي معاهم اليوم وارجع تاني .
ابويا وامي واخواتي البنات قالولي انهم زعلانين اني بعدت عن البيت وطلبوا مني ارجع ورغم اني فرحت اوي أني حسيت لأول مرة ان ليا اهل وبيحبوني لكن مكنتش هقدر اني اعيش في نفس المكان اللي هتعيش فيه عبير وهي مرات اخويا قولتلهم اني عاوز اكون جنب شغلي ودراستي .
ومر كام شهر واسامة اتجوز عبير وروحت حضرت الفرح وكنت ببمثل أني فرحان رغم ان قلبي كان بيتقطع من الحزن .
و بعد شهرين ابويا ماټ . وكل حاجة اتلخبطت في حياتي .
كل الناس قالولي ازاي تبقي بعيد عن امك واخواتك بعد مۏت ابوك وانت الكبير لازم ترجع وتعيش جنبهم وتخلي بالك منهم ومن ارض ابوك !!
اضطريت اني اسيب الشغل و رجعت الدار وبقيت ازرع ارضنا و امي قالتلي ان ربح الارض هيكون معاها علشان تجهز اخواتي البنات وانا هاخد علي قد مصاريف الجامعة .
كنت بحاول اكون بعيد عن الدار علشان مشوفش عبير قدامي كتير وكنت
ابن أمي وأبويا
الحلقة الرابعة 
كنت بحاول اكون بعيد عن الدار علشان مشوفش عبير قدامي كتير وكنت باخد الكتب والمذكرات واذاكر في الغيط بعد ما اخلص فلاحة في الأرض .
وفي خلال سنة سامية وفريدة اتخطبوا واتجوزوا .
و عبير مرات اسامة ولدت وخلفت اول حفيد للعيلة .
في الوقت ده كانت علاقتي بأسامة بقيت سطحية جدا طبعا بعد جوازه من عبير 
اغرب حاجة أني لقيت اسامة اشتري عربية غالية وانا عارف ان مش معاه فلوس !!!
باركت لأسامة علي العربية وسألته الف مبروك علي العربية يا اخويا .
الله يبارك فيك .
طمني يا خويا جبت فلوس العربية منين 
دي فلوس شغلي . وبعدين انت بتسأل ليه  
اصل انا عارف انك لسه متجوز من سنة ومش معاك فلوس وابوك الله يرحمه وامك هما اللي جوزوك فسألت نفسي تكون جبت فلوس العربية منين !! وبعدين مادام مش عاوز تقول خلاص براحتك .
زي ما قولتلك فلوس شغلي وياريت تشغل نفسك بأي حاجة بعيد عني .
ورغم رده الجاف عليا لكن لأن أنا الأخ الكبير اتحملت كلامه لكن بقي السؤال بيدور لسه في ذهني هو جاب فلوس العربية منين  
بدأ أسامة بعدها يتاجر في العربيات كان بيشتري العربية تفضل معاه كام اسبوع ويبيعها ويشتري غيرها وبصراحة كان رزقه واسع وبدل العربية بقوا عربيتين وتلاتة وانا من جوايا فرحت أنه استقر علي شغل كويس وبيكسب منه كويس وانا كنت في اخر سنة في الكلية وهتخرج وابقي مهندس و هيكون لنا مركزنا في القرية .
وقبل ما اتخرج من الجامعة بشهور كان حصاد محصول الارض .
حصدت المحصول وبيعته واخدت الفلوس وروحت اديتها لأمي وقولتلها دي فلوس المحصول ياأمي بس يا ريت تعملي حسابي فيها علشان عاوز اخطب واتجوز .
ردت أمي بس دي فلوس أخوك هاخد منها فلوس لك ازاي  
دخل أسامة وقالي أيوه دي فلوسي عاوز تاخد منها ليه وبدون ما تقولي كمان !! 
قولتله فلوسك ازاي يا أسامة !!
ايوه دي فلوس محصول أرضي .
أرضك !!!!!! قصدك أرضنا كلنا .
لا يا حبيبي دي فلوس أرضي أنا .
ازاي يا أسامه ابوك سايب ٦ فدادين ارض لو هتقسمهم علينا يبقي انت ليك فدانين وانا فدانين والبنتين كل واحدة فدان أرض .
ردت أمي أصل أبوك كاتب الأرض كلها بعقد ايجار لأخوك أسامة لمدة عشر سنين علي ما يقف علي رجليه ويبني مستقبله وبعد كده ابقوا قسموها براحتكم .
أنا أول مرة أعرف حاجة زي كده !! وازاي أبويا يعمل حاجة زي كده !! ده كده ظلم .
مين قال أنه ظلم !! ده حتي اخواتك البنات عارفين وموافقين ومحدش اعترض .
يعني انتوا كلكم عارفين الا انا !!!
انت يا بني ضمنت مستقبلك وخلاص بقيت مهندس و أبوك كان عاوز يضمن مستقبل أخوك زيك . وبعدين