رواية في رحاب الحب (حصرية) للكاتب عادل عبد الله
انت في الصفحة 10 من 10 صفحات
بابا هتسيبنا وهتروح تتجوز
مين اللي قالك كده
ماما لما شوفتها بټعيط سألتها مالك قالتلي باباك هيتجوز .
انا هتجوز صحيح يا حبيبي بس مش هسيبكم خالص .هفضل معاكم علطول .
ازاي يا بابا انت اكيد هتعيش مع اللي هتتجوزها .ولما تخلفوا اكيد هتعيش مع ولادك الجداد . يبقي اكيد مش هتعيش معانا .
لا يا حبيبي انا مقدرش ابعد عنكم .
لا يا حبيبي مش بضحك عليك .انا هفضل معاكم .
انت هتتجوز ليه يابابا
لما تكبر يا حبيبي هتفهم .
وفجأة بكي اياد بكاء شديد جدا .وفضلت احاول اهديه لكن فضل يبكي كتير .ويقولي متبعدش عني يا بابا انا مقدرش اعيش من غيرك .
حسيت بۏجع في قلبي علي حزن ابني بالشكل ده . ودموعي مليت عينيا .
فرح اوي اياد وقعد يبوس فيا ويقولي يا حبيبي يا بابا ربنا يخليك لينا .
وقتها حسيت بكلام رحاب ليا عن بناتها وانها متقدرش تكسر قلبهم وتسبب لهم ازمة ممكن تأثر علي حياتهم كلها .
واضح فعلا ان اللي راح مستحيل يتعوض . وان السنين اللي مرت علينا بعدت بينا كتير حتي لو بقي الحب في قلبنا لكن كل واحد فينا مبقاش ملك نفسه بس بقي ملك ناس تانيين ليهم حق علينا اكتر من حق نفسنا علينا .
قعدت يومين مش بتكلم مع رحاب ولا بتصل بيها ولا هي بتتصل بيا . ولا بتكلم حتي مع مراتي اللي هي اصلا واخدة مني جنب ومش بتتكلم معايا .
فكرت كتير طوال اليومين دول وتقريبا كنت مش بنام خالص .
وفي اليوم التالت قولت لمراتي علفكرة انا الاسبوع الجاي مش هكون هنا .
قولتلها هروح اقضي شهر العسل .
بصت لي بسخرية و ردت الف مبروك .
روحت الشغل وعملت اجازة اسبوع تبدأ من الاسبوع الجاي .
يوم الجمعة صحينا من النوم وبعد الفطار قولتلها البسي انتي والعيال علشان رايحين مشوار .
قالتلي رايحين فين
هتعرفي كمان شوية . بس يلا بسرعه جهزوا نفسكم .
مش لما نعرف رايحين فين
بصت لي وقالت ربنا يستر .
انتوا عندي بالدنيا كلها .
الحقيقة انا معرفتش اني بحبك الا الايام دي .
بتحبني !!!!
ايوه بحبك . لأني شوفت فيكي وفي قلبك الطيب اللي مكنتش اتوقعه ابدا .
لقيت دموعها نزلت بسرعة .
مسحتلها دموعها وقولتلها .عيونك الحلوين دول مش عاوز اشوف فيهم دموع تاني . مش عاوز اشوف فيهم الا الفرح والسعادة .
قفلت مع رحاب وضحكت لمراتي وقولتلها يلا بينا . قالتلي علي فين
قولتلها علي شرم الشيخ نقضي اسبوع عسل يا احلي واحن زوجة في الدنيا .
انتهت .
