رواية في رحاب الحب (حصرية) للكاتب عادل عبد الله
وكاد قلبي يطير فرحا بعد كلامي معها زاد تعلقي بها كثيرا .
فقد وجدت فيها انسانه مختلفة عن كل من عرفتهم من قبل .
وبعد خروجي من العمل اتصلت بها مرة اخري .....
الو مين
ايه ده انتي نسيتي صوتي
اه
ايه ده انتي كمان مش سجلتي رقمي
لأ وهسجله ليه
انتي بتهزري .صح
لأ .هسجله ليه يعني
وهنتكلم ليه
يعني انتي مش عارفه
قولتلك يا عم مش عارفه .
علشان انا معجب بيكي اوي .
بص يا باسم انا هقولك حاجة لو انت من بتوع معجب بيكي ونتعرف ونتكلم ونتصاحب والكلام ده فبلاش تضيع وقتك معايا لأن انا مليش في الكلام ده . ماشي
طيب انتي زعلتي كده ليه
لإ مش زعلت ولا حاجة بس حبيت افهمك واختصرلك الطريق .
اومال انت عاوز ايه
انا هكلمك بصراحة وعايزك انتي كمان تكلميني بصراحة .
ماشي يا باسم موافقة .
انا من اول مرة شوفتك فيها وانا معجب بيكي وحاولت الفت انتباهك كتير و كنت هتجنن علشان مش عارف لحد ما شوفتك وانتي بتبصي عليا في المرايا عرفت انك مهتمية بيا .
وبعدين كمل .
يا عم كمل بس كلامك الاول .
اقول ايه انا نسيت كنت بقول ايه .
طيب اخرة اعجابك بيا ايه
اكيد الاعجاب هيبقي حب .
وبعدين
لو الاعجاب والحب متبادل يبقي اكيد اخرته الخطوبة والجواز .
اه يعني انت قصدك اننا نجرب الاول من غير خطوبة .ولو تمام نبقي نتخطب وبعدين نتجوز .
يعني تقريبا كده .
علشان مش تتحسب خطوبة عليا وعليكي .
بص يا باسم انا كمان هكلمك بصراحة انا كمان لما لاحظت اهتمامك بيا انشغلت بيك مش هنكر وكنت مهتمه بيك لكن انا مفيش عندي حاجة اسمها تجربة . وانا مش متعودة اعمل حاجة من ورا بابا وماما . ومن الاخر كده لو هتخطبني دلوقتي نكمل كلامنا وهقول لماما وبابا مش هتخطبني يبقي تمسح رقمي ومتفكرش تكلمني تاني وانا مش هقول لماما وبابا علشان مش اسببلك موقف مش حلو .
ومن الاخر كده لو هتخطبني دلوقتي نكمل كلامنا وهقول لماما وبابا مش هتخطبني يبقي تمسح رقمي ومتفكرش تكلمني تاني وانا مش هقول لماما وبابا علشان مش اسببلك موقف مش حلو .
علفكرة بعد كلامك ده اعجابي زاد بيكي اكتر كتير .وانا فعلا عايز اخطبك .لكن اديني فرصة ارتب فيها نفسي .
لازم نعرف كل حاجة عن بعض كويس لكن اشمعني دي اول حاجة بتقوليلي عليها .
علشان كنت مخطوبة لابن خالي وبسبب اننا فسخنا الخطوبة مشينا من بلدنا وسيبنا بيتنا وجينا نعيش في القاهرة .
ياااه . ده اكيد حصلت مشاكل صعبة علشان تسيبوا البلد بالشكل ده .
فعلا مشاكل فوق ما تتخيل .
وكنتي بتحبيه .
لأ .
وكنتي مخطوبة له ازاي
بص انا هحكيلك كل حاجة بالتفصيل . خالي ابو خالد هو العمدة و كبير البلد واغني واحد فيها . ومن زمان وهو وبابا مش بيرتاحوا لبعض و خالد ابنه كان بيحبني ولما كبرت خالي جه يخطبني لخالد من بابا .بالنسبالي الموضوع مكنش يفرق معايا كتير لكن مع ضغط ماما عليا وعلي بابا وافقنا .
وازاي تتخطبي له وانتي مش مقتنعة به
ماما اقنعتني بأنه شاب متعلم وقريبنا وهو اكتر واحد هيحافظ عليا .
وبعدين ايه اللي حصل
فعلا اتخطبت لخالد وفضلنا مخطوبين اكتر من سنة ونص وكنا جهزنا للجواز وكنا علي وشك الجواز .
وايه اللي حصل وكان سبب فسخ الخطوبة
حصلت حاجة مش ممكن تخطر علي بال حد .
ايه اللي حصل
خطيبي كان ماشي مع بنت من البلد اللي جنبنا واهلها لما عرفوا حصلت ڤضيحة كبيرة .
واكيد انتي وباباكي فسختوا الخطوبة للسبب ده
ايوه هو ده اللي حصل فعلا لكن خالي وابنه رفضوا وفضلوا يتحايلوا عليا وعلي بابا اننا نتمم الجوازة وننسي اللي حصل . لكن احنا صممنا علي موقفنا .
وانتي خلال السنة ونص في الخطوبة مش حبيتي خطيبك
لأ مش حبيته .
وبعدين ايه اللي حصل .
اكملت رحاب كلامها ....
فضلت محاولات خالي وابنه خالد كتير وبعد ما يئسوا من اننا نسامحه بدأوا يهددوا بابا ويضيقوا عليه ويعملوا معاه مشاكل كتير علشان نغير موقفنا لدرجة ان خالد كان بيقف يستني قدام بيتنا ومكنتش بعرف اخرج خالص
