حكاية شربات والخمس بنات للكاتب عادل عبد الله

هتجوزها هيه .
يابني غلط كلامك ده . قبل ما تتجوز لازم تعرف أهل اللي هتتجوزها علشان هما دول اللي هتتعامل معاهم لما تحصل بينكم اي ظروف سواء خير او غيره .
ان شاء الله كله خير يابابا ومفيش حاجه وحشة . لكن دي بنت ممتازة خرجت من بيئة مش كويسة وعاوزة تعيش حياة نضيفة نساعدها بقه علي كده ولا نقولها لازم تكملي في البيئة اللي انتي خرجتي منها  
أي حد غيرنا يساعدها انما احنا مش هنعرف نتعامل مع الناس دي .الناس دي ولا هما شبهنا ولا احنا شبههم .
انت يابابا اللي بتقول الكلام ده ده انت طول عمرك بتعلمني فعل الخير وبتشجعني عليه .
ايوه بشجعك علي الخير لما يكون مفيش أذي ليك منه انما لما يكون ھيأذيك ويدمر حياتك كلها يبقي لازم أمنعك لأنك ابني .
مش هيأذيني ابدا يابابا .انا عارف ومقدر كويس خۏفك عليا لكن صدقني جوازي من أسماء كله خير ليا وليها .
طيب اديني فرصة أفكر شوية في الموضوع ده وابقي ارد عليك .
نور كلم أسماء وقالها انه كلم والده في موضوع خطوبتهم وانها مسألة وقت بس وهيروح يتقدملها .وانها لازم تمهد الطريق لأمها وتعرفها أمكانياته وتحاول تقنعها به .
و انتظرت اسماء رجوع أمها من السوق لكي تكلمها عن نور وتحاول اقناعها به .
وبالفعل كلمتها عن نور وعن ظروفه وعن مستقبله . 
قالت لها امها انها تريد ان تزوجها لابن تاجر كبير او ابن احد الاثرياء ......
الحلقة العاشرة 
قالت شربات لابنتها اسماء انها تريد ان تزوجها لابن تاجر كبير او ابن احد الاثرياء . 
و لكنها وجدت اسماء متمسكه بنور .فوافقت شربات لأنها تعرف ان اسماء وايضا ولاء لهم تفكير وحياة مختلفة عنها وعن باقي اخواتهم .
دخلت اسماء غرفتها سعيدة واتصلت بنور لتبلغه خبر موافقة امها علي مقابلته .
في خبر مش عارفه هيفرحك ولا يزعلك .
خبر ايه يا امي 
اختك اسماء جالها عريس .
الف مبروك .وهو معقول خبر زي ده يزعلني 
انا افتكرتك هتزعلي ان اختك الاصغر منك هتتخطب قبلك .
لأ طبعا انا احب لها ولكل اخواتي الخير .وايه اللي هيزعلني في كده .
وانتي يا هند .نفسي افرح بيكي بئه .
ابتسمت وقالتلها بأذن الله في حياتك . 
قوليلي يا بت يا هند هو مفيش حد كده ولا كده  
ارتبكت هند وقالت كده ولا كده يعني ايه  
يعني مفيش حد في دماغك او مكلمك انه عايز يتقدملك .قوليلي ومتخبيش عليا انتي عارفه غلاوتك عندي واني بحبك اكتر من اخواتك كلهم .
ضحكت هند وقالت لأ مفيش ريحي نفسك انا قعدالك مش هسيبك ابدا .
لأ يا حبيبتي انا عايزاكي تتجوزي واطمن عليكي .هو ده اللي هيفرح قلبي بجد .
ضحكت هند وقالت كله بوقته .لما يجيلي نصيبي هتجوز وهترتاحي مني .
وهو وقته ده امتي بس !! ده انتي عندك ٢٣ سنه .وكمان اللي هيجنني انك اجمل واحده في اخواتك !! 
وهو ٢٣ سنة كتير يعني عندهم فوق ال٣٠ سنه ولسه مش اتجوزوا .
لم تكن شربات تعلم بأن ابنتها هند اصبحت سيئة السمعة وان اغلب السوق و المنطقة التي يعيشون فيها يعلمون بسوء سلوكها وعلاقاتها المتعددة .ولكن الجميع كان يكتمون ذلك ولا يبوحون به امام شربات او بناتها خوفا من بطشهم .
حاول والد نور كثيرا تأجيل الرد علي ابنه لعله يتراجع عن خطبة أسماء ولكن كلما مر الوقت كان نور يلح علي والده في الموافقة والذهاب معه لخطبتها .
حتي يأس والد نور في عدول نور عن رأيه فوافق في النهاية علي الذهاب معه ولكنه قال له انه مش موافق علي هذه الزيجة ولكن لأنه ابنه الوحيد ووالدته متوفاة و لا يريد أن يغضبه او يراه حزين .وأنها ستكون المرة الاولي والاخيرة في لقاء تلك الاسرة .و هو يعلم ان هذه الخطبة لن تدوم طويلا .ولكنه سيتركه يخوض التجربة بنفسه ليتعلم .
حدد نور مع اسماء موعد لمقابلة امها .وفي الموعد المحدد ذهب نور ووالده و طلبوا خطبة اسماء من امها واخواتها .
وبالفعل تمت الخطبة وسط سعادة العروسين وسخط جميع الاهل .
ساءت الحالة النفسية لأمل مع الوقت لتأخر الانجاب ولغياب شادي عنها وانشغاله بعمله وكثرة سفره وبعده عنها .
للدرجة التي جعلتها تشك انه تزوج من اخري فبدأت في مراقبته ولكنها لم تصل لأي دليل .فطلبت ذات يوم السفر معه .
تعجب شادي لطلب أمل وقال لها هتسافري معايا ازاي وهتعملي ايه 
عادي لما اسافر معاك .فيها ايه يعني 
فيها ان كل اللي هتعامل معاهم رجالة وبلطجية ومجرمين .هتيجي معايا تعملي ايه بقه !!!!!!
انا ارجل من