انا والٹأر وهواك للكاتب عادل عبد الله

انا والٹأر وهواك 
للكاتب عادل عبد الله
الحلقة الاولي 
انا واصحابي قررنا نروح مصيف اخدت اسبوع اجازة من الشغل وجهزت نفسي وذهبنا الي الاسكندرية .
اجرنا شقة صغيرة علي ادنا احنا الخمسة .وبدأنا نعمل خطة للمصاريف علشان فلوسنا تكفينا الاسبوع كلة .
علشان الفلوس تكفينا قررنا اننا نعمل الاكل في الشقة ومش نشتري اكل جاهز  خصوصا ان معانا واحد مننا فنان في المطبخ واحنا نبقي نساعده .

كل واحد مننا اخد دور واحد هيقف يساعده وواحد يغسل الاطباق بعد الاكل وكان دوري انا اني انزل اشتري طلبات الاكل من السوق .
كان السوق بعيد عن مكان الشقة .فأخذت ميكروبص يوصلني للسوق .
وانا في الطريق ركبت بنت زي القمر .اول ما فتحت الباب علشان تركب انبهرت بجمالها ورقتها الواضحة  .
ولحسن حظي قعدت جنبي .بصراحة البنت كانت جميلة ورقيقة اوي .قلت في نفسي كلهم بيبقوا كده من الخارج ولما بتقرب منهم وتعاشرهم بتلاقي الرقة دي اختفت .بس مش هنكر اني كنت معجب بيها اوي ونفسي اكلمها .
البنت وهي بتعطي الاجرة للسائق صوتها كان حلو اوي ورقيق لدرجة اني قلت اكيد البنت دي بتمثل .
شوية وطلعت موبايلها وعملت مكالمة وقفلت .بعدها نزلت من الميكروبص .
ببص جنبي لقيت موبايلها .بس الميكروباص كان بعد عن مكان  نزولها .
قلت في نفسي دي فرصة اني اتعرف عليها خطرت  في بالي فكرة اني اهزر معاها شوية علشان اتعرف عليها .روحت قفلت الموبايل .
نزلت السوق واشتريت الطلبات ورجعت بعدها للشقة .
بعد حوالي ساعتين تلاته فتحت الموبايل ورنيت علي موبايلي  علشان اخد رقمها .بعدها بدقايق لقيتها بتتصل من رقم اختها . 
الو
الو
لو سمحت التليفون دي تليفوني .
كان تليفونك وبقي تليفوني وضحكت 
يعني ايه
يعني اعتبريه هدية منك ليا .
ارجوك انا محتاجة التليفون ضروري .
تدفعي كام وضحكت.
يا عم اللي انت عاوزو بس الموبايل عليه ارقام مهمه .
طيب انا مش عاوز فلوس انا بهزر . عاوز اتعرف عليكي بس 
انت حضرتك بتستغل الموقف يعني!!
ضحكت اه طبعا 
يا استاذ ارجوك انا عاوزه التليفون  .هتجيبه ولا لاء 
علي فكرة انا هديلك التليفون بس علشان انتي صعبتي عليا .
يا عم شكرا هاخده منك ازاي
شفتي المكان اللي انتي ركبتي منه الميكروبص النهارده 
ايوه 
هناك هديلك الموبايل .
وانت تعرف انا ركبت منين ازاي 
لانك من اول ما ركبتي وانتي سحرتيني بجمالك .
اووووووف...  ماشي .هتيجي امتي
بعد نص ساعة .
وبعد نص ساعة كنت هناك مستني انها تيجي .بعد ما لبست طقم حلو ونضارة شمس جامدة .بعد دقايق لقيتها جاية ومعاها بنت تانية .
لما شوفت البنت التانية اتضايقت لاني كنت عاوز اتكلم معاها شوية علشان اتعرف عليها .
المهم انها اخدت الموبايل وابتسمت وكأنها بتبادلني نفس الاعجاب  وعرضت عليا فلوس .طبعا انا رفضت لان كان غرضي كله اني اهزر معاها واتعرف عليها. 
رجعت للشقة وانا بفكر فيها .اتغدينا انا واصحابي ونزلنا روحنا الشاطئ وكان يوم حلو كله لعب وضحك وهزار  .
لما رجعنا اخر النهار غيرنا ملابسنا واتفقوا اننا نلبس ونخرج نروح سينما .
انا قلتلهم اخرجوا انتوا انا تعبان وعاوز  اقعد لوحدي شوية .
بعد ما خرجوا قعدت ماسك الموبايل متردد اكلمها ولا لاء .
اتصلت بيها  مرة ومردتش .اتصلت تاني .ردت عليا .
الو مين معايا 
انا 
انت مين 
انتي لحقتي تنسي صوتي !!
هو انت اخدت الرقم ليه 
يعني عرفتيني وضحكت بصراحة مقدرتش