انا والٹأر وهواك للكاتب عادل عبد الله

امنع نفسي اني اخده علشان اكلمك .
وانت عاوز ايه بئه وتكلمني ليه 
عاوز اتعرف عليكي .
هو انت من بتوع عاوز اتعرف !! 
لا والله انا من ساعة ما شوفتك وانتي بتركبي البص وانا اټجننت .
طيب ما تروح المستشفي يمكن تخف .
طيب ما انا كلمتك علشان كده  .
ازاي يعني .عاوزني انا اوديك المستشفي !!!!!! 
ايوه اصل انا غريب ومش من هنا .
وانا مالي يا عم انت وتضحك
مالك ازاي ! ما انتي السبب 
انا !!!
ايوه من ساعة ما شفتك وانتي جننتيني.
علفكرة انت اخدت رقمي من غير ما تستاذن وده غلط .وكمان بتعاكسني في الموبايل .!! كده كتير اووووي .
انا معملتش حاجه من دي خالص .
اومال مين اللي عمل انا مثلا !!!
لا قلبي .
وقلبك عاوز ايه مني 
قلبي عاوز يفضل معاكي جنبك طول العمر.
مرة واحدة كده !!!!  هو انت تعرفني ولا انا اعرفك علشان قلبك يتعلق بيا .
انا اسمي امجد عندي ٢٩ سنة شغال مشرف جودة في مصنع ادوات كهربائية  .وحيد علي اختين بنات متجوزين وماما وبابا نفسهم  يفرحوا  بيا .
علطول كده !!! وانت عاوز ايه يا عم وحيد 
لا انا اسمي امجد .
تضحك طيب انالازم اقفل دلوقتي .سلام .
سلام 
بعد المكالمة دي حسيت بفرحة وسعادة مش حسيتها قبل كده .
كررت مكالماتي لها اكتر من مرة وعرفت ان اسمها شهد وعندها ٢٧ سنة وبس معرفتش عنها حاجات كتير .
حاولت اشوفها رفضت اكتر من مرة وفي اخر يوم قبل ما نرجع وافقت اننا نتقابل 
.وفعلا اتقابلنا وقضينا مع بعض طوال اليوم تقريبا وقبل ما تمشي وتروح بيتها قالتلي ....
امجد عايزاك تنساني .ومتتصلش بيا تاني.
ليه بتقولي كده 
لان انت من بلد وانا من بلد وصعب نتقابل تاتي .
مش صعب ولا حاجة .انا اتعلقت بيكي يا شهد ومش هقدر انساكي .
امجد كده او كده لازم ننسي بعض .انت متعرفش عني حاجة .
مش هنساكي .ومش عاوز اعرف الا اني بحبك .
يا ريتني ما كنت قابلتك.
ليه بتقولي كده .
امجد انا مطلقة علشان كده بقولك لازم ننسي بعض .
وايه المشكلة !!! يا شهد انتي اللي كنت بدور عليكي من زمان .
انا كمان معجبة بيك بس دي علاقة محكوم عليها بالفشل .
ليه بتقولي كده !!!!!!!
اخرة الاعجاب والحب ده ايه .
ملوش اخر 
انا بتكلم جد
الارتباط والجواز 
يا امجد بلاش نضحك علي نفسنا انا من اسكندرية وانت من القاهرة .وانا مطلقة وانت مش اتجوزت قبل كده .يعني مستحيل نرتبط.
وليه مستحيل !! كل دي حاجات سهله وبسيطةوحلولها كتير .
يعني انت  هتقبل تتجوز واحدة مطلقة واتجوزت قبلك .
انا عاوزك انتي وبس مليش دعوة مطلقة او لا ميهمنيش .
واهلك هيوافقوا 
كل ده مقدور عليه وانا هقدر اقنعهم لما يعرفوا اني بحبك  .انتي ليه عاوزه تبعديني عنك !!!!!
علشان انا بدأت احبك فعلا واحنا مستحيل نكون لبعض .
ليه بتقولي كده 
علشان انا كمان عندي بنت .
بصراحة لما  شهد قالت لي ان عندها بنت  انا في الوقت ده اڼصدمت .
بس حبي ليها وتعلقي بيها كان اكبر من الصدمة وقررت اني ارتبط بيها بالرغم من ان  عندها بنت  .
رغم اني مش عرفتها الا من ايام قليلة بس انا